My Story

My Thoughts,My Experiences and something more....

අපේ එකේ ළමයි අවුරුදු ගානක් බලන් හිටපු හීනයක් එදා සැබෑ උනා.අපේ campus එක මීට කලින් slug mens' champions වෙල තියෙනව.ඒත් කවදාවත් slug overall champions වෙලා තිබුනෙ නෑ.අනික් campus එක්ක බලද්දි අපේ campus එක තමයි පොඩිම. අනිත් campus එක්ක බලද්දි අපේ campus එකේ ළමයි ගාන අඩුයි. අනික තමයි අපේ campus එකේ ගෑණු ළමයි අඩුයි (අනිත් ඒවට සාපේක්ෂව). ඉතින් mens' champions උනත් womens' sports වලින් ලකුණු අඩු වෙන නිසා overall champions වෙලා නෑ කවදාවත්. ඉතින් මීට කලින් slug champions උනු colombo campus එක ගැන සමහරු කියන්නෙ "they are hidden behind their women" කියා ;). ඒත් මේ පාර කොහොමහරි අපේ කට්ටියගෙ දක්ෂතාව නිසාම slug champions වෙන්න පුලුවන් උනා. අනුශූරයො උනේ university of colombo.මේ පාර mens' sports events වලින් අපේ campus එක ලොකු ලකුණු පරතරයක් තියපු නිසා ප්‍රශ්නයක් උනේ නෑ.

university cricket වලින් අපේ campus එක තමයි ඉදිරියෙන්ම ඉන්නෙ. ලංකාවෙ මේ කාලය තුල පවත්වපු හැම university cricket tournament එකම වගේ දිනුවෙ අපේ campus එකේ team එක.ඒ නිසා slug එකෙත් cricket championship එක ගනී කියල අපිට ලොකු විශ්වාසයක් තිබුන. කොහොමහරි final එකට තේරුනේ අපේ campus එකයි,colombo campus එකයි.final match එක තිබුනෙ අපේ campus ground එකේ.ඉතින් අපේ set එකත් ඒක බලන්න ආව.නඩාත් 15 දෙනාගෙ squad එකට හිටිය. අපේ මුලින් ඉක්මනට විකට් 3ක් ගියා. ඒත් පස්සෙ කොහොමහරි 207ක් ගැහුව. අන්තිමට අපි match එක දිනුව එදා.




SLUG (sri lanka  university games)කියන්නෙ අවුරුදු 4කට පාරක් පවත්වන ලංකාවෙ campus වල sportsmeet එක කිව්වොත් හරි. ගිය පාර slug champions උනේ colombo campus එක.මේ පාර slug එක තිබුනෙ අපේ campus එකේ. අපි campus එකේ ඉන්න අතරෙදි, අවුරුදු 4කට පාරක් පවත්වන slug එක අපිට හොඳින්ම දැක බලා ගන්න පුලුවන් උනා. එක අතකින් ඒක අපේ luck එක. ඒත් එක අතකින් අපිට පොඩි අවාසියකුත් උනා. ඒ slug එක නිසා අපිට මාසයක් විතර නිවාඩු දුන්න.ඒකෙන් අපේ academic මාසයකින් පස්සට ගියා. කොහොමහරි මේ පාර slug championship එක දිනාගන්න පුලුවන් වෙයි කියල විස්වාසයක් අපේ campus එකේ අයට තිබුන. එක පටන් ගත්තෙ ජනාධිපති මහින්ද රාජපක්ෂ මහතාගෙ ප්‍රධානත්වයෙන්.
slug opening ceremony එක ලස්සනට තිබුන.ඒක පටන් ගත්තෙ හවස. ඒකෙදි අපේ campus එකේ ලමයි හදපු නියමුවන් රහිත ගුවන් යානා campus වල කොඩි අහසට අරන් ගිය සංදර්ශනයකුත් තිබුන.

exam එක ලඟ නිසා කට්ටිය වැඩ පටන් අරන් තිබුනෙ.අපේ rep සම්පත් අපේ කට්ටියව එක එක module (suject) එකට බෙදල තිබුනෙ. ඒ කට්ටිය අදාල subject එකේ කුප්පි දාන්න ඕනෙ. කුප්පි කියන්නෙ කැම්පස් එකේදි කවුරුහරි අඳුරන අයිය කෙනෙක් හරි අපේ වයසෙ කෙනෙක් හරි ඇවිත් මාස 3,4ක් lectures වල උගන්නපු දේවල් එක දවසෙන් දෙකෙන් උගන්නන එක. lectures යන්නෙ නැති අයට, lectures ගියාට අහන් ඉන්නෙ නැති අයට පිහිට කුප්පි තමයි.ඉතින් semester 4 එකේ මාව වැ‍ටුනෙ mechine elements & innovative design කියන module එකට. මම,මධුක, නඩා,අලයා,ශ්‍රි ලාල් කියන කට්ටිය තමා ඒකෙ හිටියෙ. එතකොට මම බාරගත්තෙ කියන shafts & tolerancing පාඩම.  කොහොමහරි උදේ 9ට විතර පටන් අරන් 12 වෙද්දි කුප්පිය කරල ඉවර උනා. අපේ කොලඹ සෙට් එකේ 30ක් විතර තමයි මේ කුප්පි වලට ආවෙ.

අලුත් අවුරුද්දෙන් පස්සෙ 24 වෙනිද campus ගියෙ AIESEC එකෙ වැඩකට.මම Organizing committee එකේ ඉන්න නිසා ඒකෙ meeting එකකට ගියෙ. ඒ දවස්වල අපිට campus එකේ නිවාඩු දීල තිබුනෙ. (slug එකටද කොහෙද) එදා OC එකේ 9 දෙනාව Teams 3කට බෙදුව. මාව දැම්මෙ posters,marketting ගැන බලන team එකට. ඒකෙ team leader විදිහට තේරුවෙ මාව. ඒ කියන්නෙ OC vice president (OC VP) කියලයි එවෙලෙ තනුර කිව්වෙ. (former vp at aiesec colombo south)

 AIESEC LC MEETING photos


මාව AIESEC එකේ OC එකට තේරණා. OCකියන්නෙ Organizing committe කියන එක. අලුතින් එන batch එකේ පොඩි අයට AIESEC එක ගැන දැනුවත් කරල,හැකියාව තියෙන, කැමති අයව AIESEC එකට ගන්න එක තමයි කරන්න තිබුනෙ.ඒක ඉතින් එච්චර අමාරු වැඩක් නෙමෙයි.පොඩි පොඩි events වගයක් organize කරන්න එහෙම තිබුනෙ oc එකෙන්.


අපේ ගමේ අලුත් අවුරුදු දවසෙ ක්‍රිකට් තරඟයක් තියනව. විවාහක,අවිවාහක, ඇහින්දාස් වගේ නම් දාගෙන එක එක teams ගහනව.මං මේ අවුරුද්දෙත් අවිවාහක team එකේ හිටිය.ගිය අවුරුද්දෙත් මම හිටිය.මේ අවුරුද්දෙ මම ලකුණු 17ක් ගත්ත. අපේ එකේ වැඩිම ලකුණු ගත්තෙ මම ;).ඒත් අපි match එක පැරදුනා.අසිත කියල කෙනෙක්ගෙ ඕවරෙන් තමයි අපි match එක පැරදුනේ.

2012 OL results ආවෙ 6 වෙනිද.ඒක විශේෂ උනේ අපේ නංගි විභාගේ ලියපු නිසා.නංගි බයේ හිටියෙ නැ‍ටුම් වලට A තියෙන එකක් නෑ කියල.ඒ වගේම ආවෙ A 8යි, B1 යි.B තිබුනෙ නැ‍ටුම් වලට.එයාට ඉතින් ඒකට ටිකක් අප්සට්. recorrection දාන්නත් හිටියෙ.අම්ම එහෙම කිව්ව කමක් නෑ,අනිත් ඔක්කොටම A තියෙන්නෙ කියල.සෙව්ගෙ මල්ලිටත් results ඇවිත් තිබුන.එයාගෙත් IT වලට A තිබුන. English වලට B තිබුන. අනිත් ඒව මට හරියට මතක නෑ.



ලෝකෙ රටවල් 6ක හොඳම ‍campus cricket teams තෝරල ඒව අතරෙ world cup එකක් තිබුන ලංකාවෙදි. ඒකට ආපු රටවල් මට මතක විදිහට sri lanka,australia,india,bangladesh,england,pakistan.ලංකාවෙන් ඒකට තේරුණේ අපේ campus එකේ cricket team එක. මොකද අපේ campus එකේ team එක තමයි ලංකාවෙ හොඳම campus team එක.පලවෙනි වටේදි පලවෙනි match එක අපි බංගලාදේශෙට පැරදුනා.ඊටපස්සෙ එංගලන්තෙ එක්ක match එක දිනුව.ඒ විදිහට semi final වෙනකම්ම ආව.අපි බලන්න ගියෙ 4 වෙනිද තිබුනු match එක.එදාම තමයි මම මුලින්ම කොලඹ R.ප්‍රේමදාස ක්‍රීඩාංගණේට ගියෙ.අපේ mech එකේ කට්ටියක් තමයි ගියෙ. එදා match එකත් අපි දිනුව.
නඩා හිටියෙ water boyට ;) .පිට්ටනියෙ එහා කොනේ ඉඳන් මෙහා කොනට දුවන එක තමයි  නඩාගෙ වැඩේ.මොකද නඩා හිටියෙ 15 දෙනාගෙ squad එකට නිසා.
අපි semi final එකේදි ඉන්දියාවට පැරදුනා.ඉන්දියාව ඕවර් 20ට ලකුණු 210ක් ගහල.අපි ඊටපස්සෙ ගහද්දි 56ට විකට් 5ක් ගිහින්.ඒත් කොහොමහරි 194ක් ගහල.



මේක තමයි මං කරපු දෙවෙනි interview එක.එදත් හවස 3ට විතර කෙනෙක්ට එන්න කියල එයාව interview කලා.මමයි, ඉශානුයි තමයි interview කරන්න හිටියෙ.එදත් කලවමේ එක එක ප්‍රශ්න ඇහුව.විනාඩි 20න් විතර interview එක ඉවර උනා.ඊටපස්සෙ මම ගෙදර ආව.

මාර්තු මාසෙ උපන්දින ටික ඔක්කොම එකම දවසක සමරන්න K-Zone එකට ගියා.එද සැමරුවෙ විමුක්ති,ශ්‍රීලාල්(lal), අමිල ගයාන් (y not) ,මිලින්ද(mr), කමල් ජනක, මධුසංඛ නිරෝශන්(raaja) කියන අයගෙ උපන්දින.වෙනද වගේම උපන්දිනේ සමරල, කෑම කාල ආව.





හැම බ්‍රහස්පතින්දම වගේ AIESEC LC meeting (local comittee meeting) තියෙනව.ඒත් මෙදා තිබුනු meeting එක ටිකක් විශේෂයි.ඒ හේතු කීපයක් නිසා.
1.AIESEC colombo south region මගින් පසු ගිය term එක තුල exchanges 125ක් සිදු කිරීම.
2.global GIP top sales හි 28වන ස්ථානයට aiesec colombo south හි අයෙක් තේරී සිටීම.
මේ 2ම ලංකාවෙ වෙන කිසිම LC එකකට කරගන්න බැරි උනු දේවල්.එදා මේ දේවල් සමරන්න AIESEC sri lanka member comittee (MC)එකෙනුත් 2නෙක්ව ගෙන්නල තිබුන.කේක් එහෙමත් තිබුන.ඊටපස්සෙ GIP top sales 28th place එක දිනාගත්තු පන්චාල් කතාවක් කලා.ඒකෙ කිව්වෙ ඒක එයා ලබපු ජයක් නෙමේ, colombo south LC එක ලබපු ජයක් කියල.කොහොමහරි ඒ කතාව ර උනාට පස්සෙ ඒ ගැන feedback එකක් දුන්නු member comittee එකේ අයිය කිව්ව "he said something like 'he is not the man ,but he is the man' " කියල.එදා meeting එකට කට්ටිය ගොඩක් ඇවිත් හිටිය.අලුතින් join උනු කට්ටියත් ඇවිත් හිටිය.


මේකත් Wing project එකේම කොටසක්.එකෙ තිබුනෙ SLIIT එකට ගිහින් තැන් තැන් වල ඉන්න ළමයි හම්බවෙලා project එක ගැන කියන්න.කියල එයාල කැමතිනම් එයාලගෙ නම්,විස්තර එහෙම අරගන්න. ගොඩක් වෙලාවට canteen එකේ හිටපු අයට තමයි විස්තර කිව්වෙ. ඒ ඔක්කොම English වලින් කියන්න තිබුනෙ.මමනම් 10 දෙනෙක්ට විතර තමා විස්තරෙ කිව්වෙ. අපේ Local comittee president අය්යනම් ගොඩක් අයට ඒක explain කරල දුන්න.මම ඒ වගේ දෙයක් කලාමයි ඒ.

ඒ විදිහට call කරල ටික දෙනෙක්ව interview කරන්න දවසක් දාගත්ත.එදා interview එක තිබුනෙ sliit එකේ.ඉතින් 10ට විතර ගියා sliit එකට.අපේ OGX එකේ කට්ටිය 4 දෙනෙක් විතර ඇවිත් හිටිය.දැන් interview එක පටන් ගන්න කලින් මේසයක් එහෙම හදල ලෑස්ති උනා.මම එදා තමයි පලවෙනි වතාවට කෙනෙක්ව interview කලේ.එවෙලෙ අපි 4 දෙනෙක් විතර එකතු වෙලා ඒ ආපු අයව interview කලා. අහන්න තිබුනෙ අමුතු ප්‍රශ්න ටිකක්. ඒ එයා රට ගියොත් ඉන්නෙ කොහොමද කියන විදිහෙ ප්‍රශ්න.කොහොමහරි 1 විතර වෙද්දි ඒ ටික ඉවර කරල ආයෙ campus ආව.


AIESEC එකේ මම මුලින්ම කරපු Project එක තමයි WING Project එක.Exchange participants ල හොයන එක තමයි ඒකෙ කලේ. අපේ main target එක උනේ SLIIT එක.SLIIT එකේ ඉන්න අයගෙන් AIESEC projects වලට යන්නකැමති කට්ටිය හොයන එක ලේසි වැඩක් උනේ නෑ.මොකද sliit එකේ lecture එකක් ඉවර උනාම ඒ කට්ටියට info session එකක් කරන්න permission ගන්න බෑ.ඒ නිසා ළමයි කතා කර කර ඉන්න වෙලාවට එයාල ලඟට ගිහින් විස්තරේ කියන එක තමයි කරන්නෙ. අපි ඔක්කොටම කලින් හදල තිබුන online registration form එකක්.ඒකට social media හරහා publicity දීල 40 දෙනෙක් විතර register උනා.


 එයාලට call කරල විස්තරේ ඔක්කොම කියල එයාලගෙ කැමැත්ත ගන්න එක තමා ඊලඟට තිබුනෙ.ඒකට ඉතින් අපේ Team එකේ 3 දෙනා බෙදාගෙන කලා.
මේ projects වලට යනකොට Air ticket fee එක තමන් දරාගන්න ඕනෙ. ඒ රටේදි කෑම,accomodation ගමන් වියදම් නොමිලේ දෙනව.SKYPE හරහා කරන online interview එකකින් තේරුනොත් තමයි එයාට ඒ project එකට යන්න පුලුවන් වෙන්නෙ.


මේ මාර්තු මාසෙ කියන්නෙ අප්‍රියෙල් වලට කලින් මාසෙ.ඒ කාලෙට ගස්වල ලස්සනට මල් පිපෙනව. සමහර ගස් තනිකරම මල් වලින් වැහිල තියෙන්නෙ.  තව සමහර ගස් වල මල් බිමට වැටිල මුලු වටපිටාවම මල් උයනක් වගේ වෙලා. සාමාන්‍යෙන් මොර‍ටුව campus  එක කියන්නෙ අනිත් campus වලට සාපේක්ෂව ස්වභාව සෞන්දර්‍ය ටිකක් අඩු තැනක්.ලස්සන අඩු උනාට ලස්සන තැනුත් තියනව. කජු කැලේ,fashion design building එකට ඉස්සරහ ප්‍රදේශය වගේ තැන්වල ඒ විදිහෙ ලස්සනක් තියෙනව.මේ දවස්වල campus එකේ සමහර ගස්වලත් මල් පිපිල මල් වලින් වැහිල.ඒ ගස් දැක්කම ඒව අපේ campus එකේ තියන ගස් ද කියල හිතාගනත් බැරි තරම්.




linear algebra කියන්නෙ ටිකක් අමුතු එකක්. ගණන් උනාට අමුතුම ගණන්.  ඒ කිව්වෙ 1+0=1 ,a+0=a කියල ඔප්පු කරන එක,1.0=0 කියල ඔප්පු කරන එක වගේ දේවල් තියෙන්නෙ.මේ කිව්වෙ ඒකෙ තියෙන ලේසිම ඒව ටික විතරයි.ළමයිට සාමාන්‍යෙන් ලකුණු ගන්න ටිකක් අමාරු subject එකක් තමයි මේක. මේ ගණන් ජාතියට කියන nick name එක තමයි "නයා".ඉතින් ඒ විෂය උගන්නන කෙනාටත් ළමයි කියන්නෙ නයා කියල.නයා කියන්නෙ අපේ campus එකේ ගොඩක් ප්‍රසිද්ධ ජනප්‍රිය sir කෙනෙක්.ඒ එයාගෙ අමුතු කතා නිසයි, අමුතු හැසිරීම නිසයි. හිටපු ගමන් එක එක අමුතු කතා කියනකොට ළමයිටත් ඉතින් ජොලි. වචන ටිකක් තියෙනව නිතරම කියන.
"you are very intelligent people,so this is a very easy proof for you"
"silence please"
ළමයි එයාගෙන් අහන්නම කැමති වචනෙ තමයි "proof is omitted" කියන එක. හේතුව ඉතින් තේරෙනවනෙ. නයා subject එකේ ගොඩක් proofs තියෙනව. ඒව විභාගෙට එන නිසා කට පාඩම් කරගන්න ඕනෙ. කට පාඩම් කරනවට campus එකේ කියන්නෙ ගිරව දානව කියල. ගිරව් වගෙ කියන්නෙ ඉතින් ඒකටනෙ.
කොහොමහරි ඉතින් mid exam එක ලියලත් ආව. හිතුව තරම් අමාරු උනේ නෑ. ඒකට මට 10න් 8ක් තිබුන.


මේක අපේ බෝඩිමේ කෙනෙක්ට උනු වැඩක්.මගෙ කාමරේම ඉන්න කෙනෙක්ට.ඒ තමයි මධූසංක.ළමයි කියන්නෙ රාජා කියල.එයාගෙ girlfriend නුවර කෙල්ලෙක්.ඒත් දැන් ඉන්නෙ මාලබේ පැත්තෙ.ඒ ගැන කාගෙවත් ගෙදරින් දන්නෙ නෑ.ඒ නිසා දෙන්න හම්බෙන්නෙත් හොරෙන්. ඒ කෙල්ල කොහෙහරි යද්දි දෙන්න බස් එකේ තමයි හම්බෙන්නෙ.ඔන්න මෙදාත් දෙන්න එහෙම බස් එකට නැගල. බස් එකේ මැද හරියෙ සීට් එකකට නැගල ඉඳගෙන යනවලු. එකපාරටම කෙල්ලගෙ අයිය බස් එකට නැගල මේ දෙන්න දිහා බලන් බස් එකේ පිටිපස්සට ගිහින් ඉඳගත්තලු. දැන් දෙන්න හොඳටම බය වෙලාලු.කාගෙවත් ගෙදරින් මේක ගැන දන්නෙ නැති නිසා.

එවෙලෙම girlfriend ගෙ අයිය නංගිට call එකක් අරන්.අහල කව්ද එහා පැත්තෙ ඉන්නෙ කියල. බොරු කියන්න බැරි නිසා කියල "ඒ මගෙ boyfriend" කියල. ඊටපස්සෙ අයිය කියල "බස් එකෙන් බහිනකොට මාව හම්බෙන්න " කියල.මේකලු වෙලා තියෙන්නෙ.වෙනදට අයිය motor cycle එකේලු ගෙදර යන්නෙ.එදා වෙලාවට ඒක කැඩිල. ඉතින් අයිය බස් එකේ ඇවිත්. කොහොමහරි දෙන්න බහිනකොට අයියත් බැහැල ඇවිත්. අපේ යාලුව  බය වෙලා හොඳටම.බෝඩිමට ඇවිත් අපිට විස්තරේ කියනකොටත් වෙව්ල වෙව්ල කිව්වෙ. ;) එවෙලෙ අයිය අහල නංගිගෙන් "මෙයාව විශ්වාසද? මෙයාව හොඳට දන්නවද? " අනන් මනන් ටිකක්. එතකොට එයත් කියල "විශ්වාසයි " කියල.ඊටපස්සෙ අයිය අපේ boarding mate ගෙන් අහල මොකද කරන්නෙ කියල. එතකොට මෙයා කියල "මොර‍ටුවෙ engineering faculty එකේ ඉගන ගන්නෙ "කියල.එතකොට අයිය කිව්වලු "කෙල්ලව දාල ගිහින් ඇට තලාගන්න හදන්න එපා "කියල. එයාට තේරිල මෙයා (රාජා) දැන බ ය වෙලා ඉන්නෙ කියල.ඒ නිසා පිටට තට්‍ටුවක් එහෙම දාල දැන් යන්න කියල අයියයි, නංගියි ගෙදර ගිහින්.


මාස 2ක් තිස්සෙ campus වහල තිබිල 26 වෙනිද තමයි campus එක පටන් ගත්තෙ.ඒත් පටන් ගත්තෙ අපේ ඉංජිනේරු පීඨයට විතරයි. NDTඅයට දිගටම වහල තිබුනෙ.එදා ගියෙ ටිකක් බයෙන්.මොකද අපිට mid exams තියන්න තියෙද්දි තමයි ගහගෙන campus එක වැහුවෙ.ඉතින් එකපාරටම exams දුන්නොත් ටිකක් අමාරු වෙන නිසා.කොහොමහරි එදා අවුලක් උනේ නෑ. ඊටපස්සෙ සතියෙ exams තියන්නම් කිව්ව. එදා තිබුනෙ ඉතින් ගොඩක් කාලෙකින් හම්බුනු යාලුවො එක්ක කතා කර කර හිටපු එක තමයි.ආයෙනම් ඒ විදිහෙ නිවාඩු ඕනෙ නෑ කියල හිතන් තමයි මමනම් එදා campusගියෙ.



Yep project එකට තමයි intern කෙනෙක් විදිහට elley ඇවිත් හිටියෙ.ඒකෙ final session එක තිබුනෙ 19 වෙනිද maharagama youth centre එකේ.ඒකට මමත් ගියා.ගිහින් ඒකෙ කියපුව අහන් හිටිය.සමහර lectures interesting.සමහර ඒවනම් boring.එදත් අර මගෙ යාලුවව හම්බුනා.ඊට කලින් එයාල trip එකක් ගිහින් තිබුන නුවර එලි.එක කොහෙද යන්නෙ ඇහුවම එයා කිව්වෙ මුවා එලි යනව කියල.එයාලට ඉතින් ඇහුනු විදිහ වෙන්න ඇති.කොහොමහරි මට ඒ trip එකේ photos එහෙමත් පෙන්නුව එදා.





මේකත් AIESEC එකෙන් කරපු වැඩක්. ඒ දවස්වල තිබුන yep 2.0 කියල GCDP Project එකක්.ඒකට ලංකාවට ඇවිත් හිටිය Chinese interns ල 20ක් විතර.Chinese new year  එකත් තිබුනෙ වෙනිද. ඒ නිසා එයාල ගෙන්නගෙන Chinese new year celebration එකක් තියන්න organize කරල තිබුනෙ.ඒක තිබුනු මහරගම youth centre එකේ.මම එදා උදේම බෝඩිමට ගිහින් හවස් වෙද්දි 3ට විතර youth centre එකට ආව.එතකොටත් AIESEC එකේ කට්ටිය හෝ ගාල වැඩ.මමත් පැත්තකින් ඉඳල සමහර ඒවට උදව් උනා. මම සැරින් සැරේ එක එක සුද්දගෙන් එයාල ඒ event එකේදි කරන්න යන්නෙ මොනවද කියල එහෙම ඇහුව.එයාල එයාලගෙ රටේ තියන සාම්ප්‍රදායික උත්සව, ඇඳුම් ,සෙල්ලම් එහෙම පෙන්නල කිව්ව ඒව ඉදිරිපත් කරනව කියල.සමහරු කියන ඒවනම් තේරුණෙත් නෑ. එයාලගෙ උච්චාරණය එහෙම වෙනස් නිසා. ඒත් ඉතින් තේරුණා වගේ අහන් හිටිය.

ඊටපස්සෙ event එක පටන් ගත්ත.මාත් ඉතින් ගිහින් ඉඳගත්ත.ඒ ගමන් මට ඉස්සරහින් intern කෙනෙක් ඉඳගත්ත.ඉඳගෙන හතර වටේම photos ගන්න පටන් ගත්ත.මමත් ඉතින් එයාට කතා කරල ඇහුව එයාගෙන් විස්තර ටිකක්.ඊටපස්සෙ එයා මගෙ හොඳ යාලුවෙක් උනා.එයා තමයි මගෙ එකම foreign යාලුව දැනට. නම තමයි elley hsu .එයාගෙ රට Taiwan.එයාලගෙ රටේ කාසියකුයි,card එකකුයි මට දුන්න.එයා Aiesec LC එකේ ICX එකේ ඉන්න කෙනෙක්. Taiwan උනත් එයාලගෙ රට ගොඩක් දුරට china වලට නෑකම් කියනවලු.


ඇමරිකාවෙ google සමාගමේ search engine එක ලෝකෙ ගොඩක් ප්‍රසිද්ධයි.ලෝකෙ වැඩිම පිරිසක් පිවිසෙන වෙබ් අඩවිය තමයි ඒක.ඒ google ලාංඡනය විශේෂ දවස්වලට වෙනස් කරනව ලෝකෙට එහෙම විශේෂ සිදුවීම් ගැන දැනුවත් කරන්න.ඒවට කියන්නෙ doodles කියල.සමහර රටවල ජාතික දිනේට,විශේෂ පුද්ගලයන්ගෙ උපන්දිනේට,එක එක උත්සව තියන දවස්වලට එහෙම මේව දානව.මීට කලින් කවදාවත් google එකෙන් අපේ රටේ නිදහස් උත්සවේට විශේෂිත doodle එකක් පෙන්නල නෑ.ඒත් මේ පාර නිදහස් දිනේ දවසෙ මුලු ලංකාවම පුදුම කරවල doodle එකක්  දාල තිබුන google එකේ.ලංකාවෙ ගොඩක් අය ඒ ගැන සතුටින් කතා කලේ.


SLIIT එකේ AIESEC Promotion එකක් තියනව කියල මමයි, සිරිමෙවනුයි දෙන්න campus එකේ ඉඳන් මාලබේට එන්න බස් එකට නැග්ග.මම sliit එක තියන තැන දන්නව උනත් බස් එකේ යද්දි ඒ හරිය බලන් ගියෙ නැත්නම් හොයාගන්න අමාරුයි.මාලබේ town එකත් පහුවෙලා බස් එක යනව.කොච්චර ගියත් Sliit එක නෑ.පස්සෙ ඉඳන් හිටපු තැනින් නැගිටල දොර ලඟට ගිහින් බලන් හිටිය Sliit එක හම්බෙනකම්.අන්තිමට බලද්දි කඩුවෙලටම ගිහින්.පස්සෙ ආයෙ කඩුවෙලින් බස් එකකට නැගල ඇවිත් බැස්ස SLIIT එක ලඟින්.එදා තමයි මම මුලින්ම එකට ගියෙ.එදා ඒකෙ get together එක තිබුනු දවස.ඒ නිසා ගොඩක් අය හිටිය.Stage එකෙන් ටිකක් එහා පැත්තෙ AIESEC එකේ Stall එකක් දාල තිබුන.එතනට එන අයට අපේ Project එක ගැන විස්තර කියන්න තමයි තිබුනෙ.

Get එක රෑ වෙනකම් තිබුන.ඒ අතරෙ අපේ AIESEC එකේ events වගයකුත් stage එක උඩ ගියා.අපි අලුත් නිසා පරණ members ල තමයි ඔක්කොම කලේ.ඊලඟ පාර ඒ දේවල් organize කරන්න තියෙන්නෙ අපිට තමයි.මම කොහොමහරි 6ට විතර slit එකෙන් ආව බස් අඩු නිසා.


මේ වෙද්දිත් campus එක වහල අපිට.campus පටන් ගන්න උපකුලපති සාකච්ඡා කරනව විතරයි.ආයෙ පටන් ගත්තම NDT එකෙන් ප්‍රශ්නයක් නොවෙන විදිහට තීරණයක් ගන්න ඕනෙ.ඒ නිසා ඒවට බල කරල සාමකාමී පා ගමනක් සංවිධානය කලා ඉංජිනේරු පීඨ ශිෂ්‍ය සංගමයෙන්.9ට පටන් ගන්නව කියල තිබුනෙ.කොහොමහරි 9.30ට විතර අඟුලාන පිට්ටනියකින් පටන් අරන් හෙමින් ක‍ටුබැද්දට ආව.අව්වත් තිබුන හොඳටම.ළමයි ගොඩක් ඇවිත් හිටිය.ඉංජිනේරු පීඨ ශිෂ්‍යන්ගෙ ආරක්ෂාව තහවුරු කරන්න කියල තමයි ප්‍රධාන වශයෙන් කිව්වෙ.

ක‍ටුබැද්ද හංදියට එනකොට කට්ටියට අව්වෙ ඇවිත් තිබහ එහෙම තිබුන.වතුර බෝතල් ගෙනත් දෙන්න තිබුනෙ අපේ බෝඩිමේ කෙනෙක්ට.(රසිකගෙ වෑන් එකේ තමයි ගෙනාවෙ). ඒව ටික ළමයිට බෙදුවෙ අපි 5,6 දෙනෙක්.වතුර බෝතල් මදි වෙයි කියල හිතුවත් ගාණට වගේ තිබුන.4 දෙනෙක්ට එකක් විතර කියල බෙදුවෙ.ඊටපස්සෙ මම බෝඩිමට ගිහින් දවල්ට කෑව.එදා හවස AIESEC එකේ Promotion එකකට SLIIT යන්න තිබුනු නිසා 12.30 විතර වෙනකම් එක ලඟ හිටිය යාලුවොත් එක්ක.එදා ශිෂ්‍ය සංගමෙන් ලියුමකුත් බාරදුන්න උපකුලපතිට.



January 1st  ගහගත්තට පස්සෙ campus  එක වහල, level 4 අයට විතරක් පටන් අරන් තිබුනෙ.16 වෙනිද එයාලට තිබුනෙ exam එකක්.ඊටපස්සෙ දවසෙත් exam එක.16වෙනිද exam එක ලියල රෑ වෙද්දි NDT කට්ටියක් එහෙ මෙහෙ කැරකෙනව වගේ දැකල තියනව ළමයි.ඒ ගැන administration එකේ අයට පමිණිලි කරල තියෙනව.ඒත් වැඩිය ගනන් අරන් නෑ.ඊටපස්සෙ රෑ 10.30 විතර වෙද්දි බස් 3,4ක කට්ටිය පුරෝගෙන ඇවිත්, මූණු වහන් 700ක් විතර කට්ටිය එක campus ඇතුලට කඩන් පැනල.

ඊටපස්සෙ අහුවෙන අහුවෙන හැමෝටම ගහගෙන ගිහින්.hostel වලටත් පැනල ඒවටත් හානි කරල.ජනෙල්,දොරවල් එහෙම කඩල.කොහොමහරි පොලිසිය කරල තියෙන්නෙ ගේට්‍ටුව ලඟට වෙලා බලන් හිටපු එක. අහල පහල මිනිස්සු තමයි ඒකට මොකක්හරි කරල තියෙන්නෙ.ගහල ඉවර වෙලා පොලිසියෙ ආරක්ෂාව යටතේ මැරයො ටික ආපහු ආපු බස් වලම ගිහින්.මොර‍ටුව විශ්ව විද්‍යාල ඉතිහාසයෙ සිදුවුනු විශාල කැළලක් තමයි ඒක.දකුණු ආසියාවෙන් බිහිවෙන හොඳම ඉංජිනේරුවො ටිකට තමයි NDT එකෙන් ඒ විදිහට ගැහුවෙ.මොර‍ටුව විශ්ව විද්‍යාලෙ ලංකාවෙ ගොඩක් ජනප්‍රිය වෙලා තියෙන්නෙ ඉංජිනේරු පීඨය නිසා.මේක ඊටපස්සෙ මාධ්‍ය වල ප්‍රධාන ප්‍රවෘත්තියක් විදිහට ප්‍රචාරය උනා.එක ළමයෙක්ට බරපතලයි කියලත් කිව්ව.කොහොමහරි සැත්කම් කරල එයා සනීප වෙලා ගෙදර ගිහින් තිබුන.

ඊටපස්සෙ හැමෝගෙන්ම කතිකාවක් ඇති වුනා NDT හෙවත් තාක්ෂන ආයතනය මොර‍ටුව campus එකෙන් අයින් කරල දියගමට ගෙනියන්න ඕනෙ කියල.දැනටත් ඒ ගැන සාකච්ඡා කරනව.මේ ලඟදි උපකුලපති කියල තිබුන NDT එක දියගමට ගෙනියන්න සාක්ච්ඡා කරනව කියල(2013/02/10).අපේ උපකුලපති තමයි ශ්‍රී ලංකා ඉංජිනේරු සංගමයෙ උපසභාපති (Professor Ananda jayawardena.).ඒ නිසා එයාට ලොකු වගකීමක් තියනව ඉංජිනේරු ශිෂ්‍යන්ගෙ ආරක්ෂාව තහවුරු කරන්න.

Copyright © Chaturanga Sumal. Powered by Blogger.

Sri lanka tour packages

Visit www.srilankatourismpackages.com

MY blog

This is my cyber diary.i write it just for fun.so i'll be able to enjoy it myself even after years.

Popular posts

Blog Archive

Copyright 2009 - My Story

Blogspot Theme designed by: Ray Creations, Ray Hosting.