10/21- semester 5 exam (POM)
10/24- applied statistics
10/30- controlsystems
11/4-fluid power systems
11/5-1st open book exam in campus(IP)
මම campus එකේ ලියපු පලවෙනි open book exam එක උනේ intellectual property (IP). ඒකට half sheet කොල දෙකක් ගෙනියන්න දුන්න තමන් කැමති දෙයක් ලියාගෙන. අන්තිමට මුලු IP syllabous එකම ලිව්වත් කොල දෙක වැඩි උනා.
11/6-numerical methods
උඩ batch එකෙන් අපිට දෙන night එක ලස්සනට සරසල old gym එකේ පටන් ගත්ත හවස 6ට විතර. ප්රධාන නලුව උනේ ishan අයිය. theme එක උනේ "කව්ද බෝයි". ගොඩක් හොඳට organize කරල තිබුනු ඒකෙ විනෝද ජවනිකා ගොඩක් තිබුන. අපේ එකේ කට්ටියට නම් දෙන එක තමයි හොඳම එක උනේ.බොනපාට්, එකේ නිදි කිරන අයට , කෙල්ලො පස්සෙ යන අයට වගේ එක එක නම් තිබුන.miss mech විදිහට තේරුනේ කොල්ලෙක්.
ලඟ ලඟම එන training එකට training place එකක් හදාගන්න තමයි ඒ දවස්වල හැමෝම try කලේ. මටත් එහෙම එකක් නැතුව හිටියෙ. ඒ අතරෙ කමල් ජනකට ceypetco එකෙන් ලියුමක් ඇවිත් තිබුන ඒකෙ refinery training එකට එයාව තෝරගත්ත කියල.එයාගෙ තාත්ත sapugaskanda refinery එකේ වැඩ කලේ. ඒත් පස්සෙ කමල් navy එකේ training යන්න තීරණය කරපු නිසා මම training division එකෙන් letter එකක් අරන් කමල්ගෙ vacancyයට මාව දාන්න කියල ඉල්ලන්න dematagoda ceypetco house එකට ආව. ඒක තිබුනෙ baseline road එකේ ගුවන් පාලම ලඟ. ඒකෙ deputy personnel manager විදිහට හිටපු මිස් හොඳ කෙනෙක් වගේ පෙනුනෙ. කොහොමහරි letter එක දීල මම ආව. ඒත් අන්තිමට training එක හදාගත්තෙ මම අඳුරන නැන්ද කෙනෙක්ට කියල. එයත් ceypetco එකේ වැඩ කරන කෙනෙක්.
ඒ දවස්වල ලෝකෙ හොඳම නලුව සම්මානය හම්බුනා ලංකාවෙ නලුවෙක්ට. ඒ තමයි ජගත් චමිල. එයා රඟපාපු සැලීගෙ කතාව කියන film එකට තමයි ඒ සම්මානය හම්බුනේ. mechianical nite එක කරන්න අපිට උඩ batch එකේ අයියල සල්ලි හොයාගන්න "මං දියවෙලා" කියල stage drama එකක් campus එකේ පෙන්නන්න තීරණය කලා. එකේ ප්රධාන චරිතය රඟපෑවෙ ජගත් චමිල. ඒ නිසා ඒක බලන්න ළමයි ගොඩක් ආව.
ඉතිහාසයේ පලමු වරට වැඩිම ගානක් ogx raisings කරන්න මගෙ aiesec team එකට පුලුවන් උනා. ඒ කිව්වෙ පිටරට aiesec projects වලට යන්න කට්ටිය වැඩිම ගානක් හොයාගන්න. අපිට බාර දීල තිබුනෙ අපේ campus එකෙන් එහෙම කට්ටියව හොයාගන්න. මීට කලින් තිබුනු team වලින් එක පාරකට projects වලට රට යැව්වෙ 2,3 දෙනෙක්. උපරිම 4,5ක්. අපේ team එකෙන් 15ක් යැව්ව. ඒක විශාල ජයග්රහණයක්.
මීට කලින් වතාවෙ මම aiesec team member කෙනෙක් හැටියටයි SRB (student's review board) කලේ. ඒත් මේ පාර team leader කෙනෙක් විදිහට මගෙ team එකෙන් කරපු කට්ටියගෙ SRB කලා.මම, ලොක්ක, නලින් එහෙම තමා ගොඩක් වෙලාවට හිටියෙ.
ඒ දවස්වල අපේ කොලඹ mechanical set එක කර කර හිටපු hovercraft project එකට , ලංකාවෙ තියෙන එකම hovercrafts ටික බලන්න මුල්ලිකුලම් නාවික හමුදා කඳවුරට ගියා.පාන්දර මෙහෙන් ගියා 5ට විතර. ශෂිරංග සර් තමයි ඒක කරල සංවිධානය කරල තිබුනෙ. හලාවත පාරෙ පුත්තලමත් පාස් කරගෙන ගිහින්, wind turbines එහෙමත් තියෙන පැත්තෙන් ගිහින්, කැලයක් මැදින් ගිහින් දවල් 12 විතර වෙද්දි ආව camp එකට. ඊටපස්සෙ එහෙන් කාල, hovercraft එක බැලුව. ඒත් ඒ දවස්වල ඒක කැඩිලයි තිබුනෙ.ඒ නිසා වෙරලෙ තියෙද්දි තමයි ඒකට නැගල බැලුවෙ. එන ගමන් රාගම navy camp එකටත් ගිහින් ඒකෙ හදන boats එහෙම බලලයි ආවෙ.
අපි කරපු survey එකේ පඩි හම්බුනේ එදා තමයි. ඒක හම්බෙනකම් විශ්වාසයක් තිබුනෙ නැති උනත්, හම්බුනාම ගොඩක් සන්තෝෂ හිතුන.ඒ තමයි මම මුලින්ම රු. 5000/= කට වඩා හම්බ කරපු පලවෙනි වතාව. මට රු. 32,600ක් හම්බ උනා. survey එකට ගිය 30 දෙනාගෙන් 2 වෙනියට වැඩියම හම්බ උනේ මට. ඒක ගෙනත් සම්පත් බැංකුවෙ fixed deposit එකක් දැම්ම.
මෙ ටිකේ නිවාඩු නිසා කට්ටිය film එකක් බලන්න ආවෙ එකට. මගදි දැනගත්තෙ majestic city film hall ඒක මොකක්ද repair එකකට වහල කියල. පස්සෙ කලේ excel world ඇවිත් cosmic bowling සෙල්ලම කරපු එක. මමනම් එදාම තමයි excel world ආවෙත්. ඇතුල්වීමට රු. 30ක් ද කොහෙද. සෙල්ලම කරන්න අපේ 8 දෙනෙක් විතර හිටිය. එක්කෙනෙක්ට රු. 300 ගානෙ දෙන්න උනා. ඒකත් ආස හිතෙන සෙල්ලමක්. ටිකක් බර බෝලයක් අරගෙන ඈත තියෙන target එකට විසි කරන්න ඕනෙ.